PRO SA VISITA PASTORALE DE SU PISCAMU DE NUORO A TORPÈ
(sonete)

Eco sete de maju grande data
in su sessanta milli e noighentos,
s'Ecellente Amabile Pastore
pro sa sacra visita est arrivadu.

Su pius filiale benennìdu
Torpè li gridat chin immensu amore,
chin dulches, inefabiles acentos
ch'alen pius de s'oro e de sa prata.

Oh, Supremu Ispiritu, sae tres
de sa Trina Essenzia persona,
a s'apostolu dignu nos mantene

fideles pro lograre cuddu bene
chi dat immarcescibile corona
ue chin Babbu e Fizu Tue ses.

A NOSTRA SIGNORA
(sonete)

Mama de tou Babbu ses signora
Fiza de tou Fizu, Virgo Amante,
finas ecelsos che Petrarca e Dante
cantende a Tie fallidu an ancora.

Tue simile ses a s'aurora
astru non b'at de Te pius brillante
Ghia ses Tue de donzi errante
de Chelu e de terra Imperadora.

Maria senza macula cunzeta
de sa Triade Santa almu tesoro
in Te at summu gradu 'ogni Virtude.

O balsamu de 'ogni amaritude
o de su Paradisu iscala d'oro
de s'istirpe de David rosa eleta.