Cantadores de Torpè________________________Pepinu Coronas

Veneradu Pastore dignu e bonu
cordiale ti damus sa benennida
mirend'oe pius eleta e isplendida
sa tua figura, pustis tantu donu,

In Conciliu, d'altos tuos talentos;
bene custu elargidu a tie
dae s'alma Reina de su nie
in asi tant'istoricos momentos.

Issa, dulche Patrona de Nuoro,
de sas Grassias puru titulada
coment'in Roma favoridu t'ada
totu como ti det su ch'as in coro.

Pro chi de Cristos si alzet totue
in signu de Vitoria s'Istendarte
in Sardigna, in Italia, in donzi parte
a cumprimentu 'e su chi pregas tue.