Cantadores de Torpè________________________Nicolinu Tarquini

A NOSTRA SIGNORA
(moda "Alborea")

Custa terra l'adorana cuntinu
su sole chin sa luna, sas istellas,
pianetas, satellites e astros.

De sos modellos celestes incastros
meda bellos bind'at in sos terrestes
de sos incastros modellos celestes
chend'at in sos terrestes meda bellos
de sos incastros celestes modellos
chi superan sos arcos pollessites.

Fiores, ervas, piantas e vites,
frutas santas de milli sabores,
ervas, vites, piantas e fiores,
de milli sabores frutas santas,
ervas, vites, fiores e piantas
ca sono saboridas e perfetas
sas fontes craras, limpidas e netas
e montes preziosos, pedras raras
sas fontes netas, limpidas e craras
e pedras raras e preziosos montes
limpidas, craras e sas netas fontes
sas colunnas marinas sentinellas.

Custa terra l'adorana cuntinu
pianetas, satellites e astros
su sole cun sa luna e sas istellas.

Sas figuras terrenas verginellas
ermosuras distintas e amenas
sas verginellas figuras terrenas
distintas e amenas ermosuras
sas verginellas terrenas figuras
a Maria mentovo e bastat una.

Naschida est in sa Terra pro fortuna
favorida de Grazia Celeste
pro fortuna naschida in Terra este

de Grazia Celeste est favorida
est pro fortuna in sa Terra naschida
ca de sa Terra est sa divina prole.

Piantas, satellites e astros
custa terra l'adorana cuntinu
sas istellas, sa luna ei su sole.

m'est dovere ch'a Tie Mama imbole
'ogni prama, 'ogni onore, 'ogni podere
ch'a Tie Mama imbole mi est dovere
'ogni podere, 'ogni onore, 'ogni prama
m'est dovere ch'a Tie imbole Mama
ca dais motu, fortuna e distinu.

Ses Tue sola d'Eternu Jardinu
ca de 'ogni guvernu ses iscola
ses de Jardinu Eternu Tue sola
ca ses s'iscola de 'ogni guvernu
ses Tue sola de Jardinu Eternu
pro Te esistit ca totu ti adoran.
Sas undas de su mare ti ristoran
pro rifriscare sas collinas brundas
ti ristoran de su mare sas undas
pro sas brundas collinas rifriscare
ti ristoran sas undas de su mare
innos marinos dae 'ogni perra.

Pianetas, satellites e astros,
su sole, cun sa luna e sas istellas
l'adorana cuntinu custa terra.

Maria in d'una grote sich'inserrat
e naschet su Missia a mesu note
Maria sich'inserrat in sa grote
a mesu note naschet su Missia
in d'una grote s'inserrat Maria
e inie est naschidu su Bambinu
custa terra l'adorana cuntinu.