In ue amus de cantare
Rassegna de Tenores in Orosei PDF Stampa E-mail
Scritto da Administrator   
Giovedì 20 Agosto 2009 00:10
Sàpadu 22 de austu 2009, a sas 19,30.

Su Sòtziu  Sos Tenores de Orosei, organizat sa 6a Rassegna de tenores pro festare sos 30 annos de s'istòria issoro.

B'ant a partetzipare tenores meda e de diferentes biddas:

Abbasanta, Bultei, Orosei, Garteddi, Irgoli, Lòcula, Bono, Padru, Pattada, Ovodda, Olìana, Thiniscole, Torpè (Cussertu Cùcuru 'e luna), Bithi, Nùgoro, Oroteddi, Othana,  Durgale,  Alà, Thiesi.

Dae sas 19,30 sos tenores ant a cantare in sas carreras de Orosei faghende unu giru chi partende dae sa corte de Sant'Antoni at a colare in sa carrera Natzionale, pratza de su Pòpulu, Centru Istòricu, pratza Sant'Antoni, pro ghirare, a ultimera, torra a sa corte de  Sant’Antoni. In cue sa serada at a sighire cun càntigos e ballos.

 
Ultimo aggiornamento ( Giovedì 20 Agosto 2009 00:40 )
 
Barisardu 18 de austu 2009 PDF Stampa E-mail
Scritto da Administrator   

Pagas dies galu e sos ozastrinos nos ant a poder intender. Su Cussertu Cùcuru 'e luna cantat in Barì e at a acumpanzare sos balladores de "Monte Nurres" de Torpè in unu ispetàculu ammaniadu dae su comune.
Una paja e ballos ant a esser acumpanzados dae su sonu de su sonete a buca de Antonimaria Pala e dae sa zamporra (trunfa) de Bustianu Pilosu.

In sa mantessi serada sos ballos sardos ant a fagher a càmbiu cun sos balladores de flamenco. Unu ballu meda diferente, un'amisturu chi nos agradat, unu cunfrontu subra a duas maneras de ballare e de cussiderare su ballu.

A nos bider martis in Barì tando.