Torpenet – regulamentu
www.torpe.net
paris cun sa
Comuna de Torpè
bandit su
Cuncursu de Literadura Sarda in su WEB “TORPENET”
sigunda editzione 2003
Regulamentu:
. Sos iscritores potent imbiare paristòrias e contos in cale si siat limbazu sardu o in una de sas limbas de minoria faeddadas in Sardigna.
. Su tema est lìberu.
. Sas òperas, ìnnidas, non depent esser istadas mai pubricadas, imprentadas o premiadas in àteros cuncursos.
. Sos contos non depent cabulare sos chimbe fozos A4 a interlinea doppia.
. Pro cumbènia de pubricatzione sos traballos depent esser imbiados in froma iscrita (in una còpia ebbia) e fintzas in froma dizitale (E-mail, CD o floppy).
. Sas òperas potent esser imbiadas a cumintzare dae prima die de cabidanni fintzas a prima die de Nadale 2003.
. Sas òperas potent esser imbiadas in lìtera a s’indiritzu
Cuncursu de Literadura Sarda Torpenet, Comune di Torpè, Piazza Municipio 1, 08020 Torpè (NU), o fintzas a su situ www.torpe.net, E- mail: cuncursu@torpe.net
. Sas òperas depent tenner sa firma, s’indiritzu cumpretu cun nùmeru de telèfono (e, po chie la tenet, fintzas s’E-mail) e sos datos anagràficos de s’autore.
. Sos datos personales ant a esser tratados petzi pro su chi attinat a sa manifestatzione (leze 675/96).
.Si potet partetzipare cun unu contu ebia.
. Sas òperas no ant a esser torradas in segus e sos organizadores si leant su deretu de pubricatzione in Internet, imprentadura e radiutrasmissione cando cherent, chena deper nudda a sos autores chi abarrant meres de sas òperas issoro.
. Sos autores sunt responsàbiles de sos argumentos tratados e, foramalu, de sas copiaduras o fartzidades subra s’orizinalidade e paternidade de s’òpera.
. Sos contos ammìtidos a su Cuncursu ant a esser pubricados in su situ Internet www.torpe.net
. Una zuria internatzionale de espertos de literadura e de limba sarda at a seberare sas menzus òperas. Su zudìtziu de sa zuria est insindacabile.
Prèmios:
1u classificadu € 350
2u classificadu € 250
3u classificadu € 150
. Àteros prèmios e sinnalatziones ant a esser detzisos dae sa zuria e dae sos organizadores a cunforma de sas disponibilidades.
. Sa partetzipatzione a su cuncursu est debadas e cheret narrer atzettare totu sas règulas inoghe iscritas.
. Sa tzerimònia de premiatzione s’at a fagher in Torpè, in domo Cumonale su 16 de Bennarzu 2004, a su pèsperu de Sant’Antoni de su fogu, cando sa bidda est in festa ca ghirant sos carros cun sa frasca e s’inchendet su fogulone.
. Sos autores ant a esser informados pro iscritu o pro telèfono de sos resurtados e de s’oràriu pretzisu de sa premiatzione.